Главниот економист на ХУП, Хрвоје Стојиќ, во Студиото на Н1, оцени дека доколку продолжи бојкотот во хрватската трговија, државата може да влезе во рецесија.

„Сосема е разбирливо што реагираат граѓаните, особено оние кои имаат проблем со финансирањето на трошоците за храна. Но, ако бојкотот продолжи, а економијата последниве две години растеше на „стероидите“ на личната потрошувачка, економијата може значително да забави. Личната потрошувачка во Република Хрватска беше финансирана со две силни државни интервенции во цената на трудот. Може да се види растот на платите во државниот сектор, минималната плата се зголеми годинава, а претходната година исто така се зголеми за рекордни 20 проценти во ЕУ“, рече Стојиќ.

Куповната моќ денеска е поголема од почетокот на минатата година, а и за оваа година се планира зголемувањето на платите да го надмине растот на БДП, предупредува Стојиќ.

„Ограничувањата на цените можеби краткорочно ќе помогнат на дел од граѓаните, но суштинскиот проблем нема да го решиме. Не може да се реши преку ноќ. Државата ни е прескапа, даноците се превисоки, пререгулирана е. За да не остане само на ниво на флоскули, даночниот клин е поголем на платите од над 2.500 евра отколку во 12 други земји-членки на ЕУ. Ние не сме конкурентни. Ако не можеме да привлечеме нови инвестиции, не можеме да ја одржиме конкурентноста. А тоа е единствената гаранција за побрз раст на платите и намалување на инфлаторните притисоци“, објаснува тој.