Наместо телевизор, посетителите уживаат во панорамата на алпските врвови и ноќното небо полно со ѕвезди. Замислете луксузен хотел каде што нема ѕидови, нема покрив и нема граници меѓу вас и природата. Токму тоа го нуди хотелот Нул Штерн, необичен концепт сместен високо во Швајцарските Алпи, кој ги поместува границите на традиционалното гостопримство и обезбедува искуство за паметење.

Нул Штерн, што на германски значи „нулта ѕвезда“, всушност е соба на отворено: се состои од двоен кревет на дрвена платформа, две ноќни масички и соларни ламби. И ништо повеќе. Тоа е поентата – тука „единствената ѕвезда е гостинот“, како што велат неговите основачи.

Идејата е создадена како уметнички експеримент од браќата Франк и Патрик Риклин, во соработка со хотелиерот Даниел Шарбоно. Нивната цел не беше луксуз во класична смисла, туку враќање кон основите: тишината на планините, прекрасен поглед и ноќ под отворено небо, без дигитални одвлекувања на вниманието и физички бариери.

Иако минималистички, овој „хотел“ не е без услуга. Гостите добиваат батлер кој им носи пијалаци и појадок директно во кревет. Наместо телевизор, посетителите уживаат во панорамата на алпските врвови и ноќното небо полно со ѕвезди.

Целта на концептот, како што велат авторите, е да се поттикне размислувањето за луксуз, конзумеризам и поврзаност со природата. Нул Стерн веќе го привлече вниманието на светските медиуми, беше прогласен за „најнеобичен хотел во светот“, а интересот на патниците не се намалува, иако сместувањето зависи од временските услови и работи само во топлите месеци.

Во ерата на хиперпродукција и вишок содржина, можеби ова е вистинскиот луксуз: тишина, свеж воздух и бескрајно небо над глава.