Битолчанка, чија возраст засега не се соопштува, денеска е уапсена откако се обидела да ги убие сопствените баба и дедо, бодејќи ги со нож, соопшти Обвинителството.

„По овластување на јавен обвинител од Основното јавно обвинителство Битола, екипи на МВР извршија увид на лице место во куќа на улицата „Солунска“, каде според првичните сознанија, внука при вршење семејно насилство се обидела да ги лиши од живот сопствените баба и дедо, нанесувајќи им повеќе убоди со нож. Јавниот обвинител издаде повеќе наредби и насоки за целосно расчистување на настанот“, пишува во соопштението.

Осомничената е уапсена и во моментов се обезбедуваат докази, додаваат од ЈО.