Страотен инцидент се случил во дворот на основното училиште „22. Октомври“ во Сурчин, во вторникот околу 12 часот за време на големиот одмор. 12-годишно момче е полесно повредено откако една година постар другар по избодел со нож во ногата и го расекол, објави српски Курир.

Повреденото дете е префрлено со итна помош во Институтот за мајка и дете, каде му е сошиена раната од 1,5 сантиметри и е пуштен на домашно лекување. Момчето сега оди само на преврски, а родителите се загрижени бидејќи бричот со кој е избоден бил рѓосан и се плашат од компликации.

Веднаш по инцидентот кој, според таткото на повреденото момче се случил неочекувано и без причина, момчето кое го нападнало неговиот син побегнал внатре во училиштето, а неофицијално, во еден од тоалетите е пронајден брич, но не знае дали со него е повредено момчето.

Таткото и синот се повикани во полициска станица, каде дале изјави за инцидентот кој ја шокираше српската јавност со оглед на тоа што постои и снимка од раскрвавеното момче, направена веднаш по инцидентот, која ја објавија српските медиуми,

За случајот училиштето ги извести сите надлежни органи, полицијата, Центарот за социјални работи, Министерството за образование и е покрената дисциплинска постапка против ученикот кој го повредил својот другар, а се работи и на истрага како и зошто напаѓачот носел нож во училиште. Според директорката на училиштето во Сурчин, напаѓачот му се извинил на повреденото момче, а надлежните испитуваат дали постоела намера кај него да го повреди.