Холандскиот премиер Дик Шоф ќе биде повикан пред Окружниот суд во Ротердам во кривична постапка против разузнавачки службеник осомничен за оддавање државни тајни на Мароко, објави судот денеска, пренесува Танјуг.рс.

Случајот се однесува на 65-годишен поранешен вработен во холандскиот национален координатор за борба против тероризмот и безбедноста (НЦТВ), кој беше уапсен на аеродромот Шипхол во октомври 2023 година кога се обидел да лета за Мароко со голем број уреди за складирање податоци, објави NL Times.

Шоф претходно ја раководеше НЦТВ, а сегашниот шеф на тоа тело, Питер-Јап Алберсберг, исто така е потврден како сведок во случајот.