Холандската полиција уапси три лица, осомничени за нападот на холандскиот новинар Петер Р. де Врис, кој синоќа беше ранет по пукањето во Амстердам. Новинарот беше погоден во глава, а моментално се бори за живот, изјави градоначалничката на Амстердам, Фемке Халсема.

Откако полицијата покрена голема истрага, соопшти дека се уапсени три лица, вклучително и осомничениот за нападот.

Премиерот на Холандија, Марк Руте изјави дека нападот врз Де Врис е напад врз „слободата на печатот“.

Холандското кралско семејство, кое за време на настанот било во Берлин, на социјалните мрежи соопштија дека се шокирани и разочарани.

„Новинарите мора да слободно и без притисок да ја извршуваат својата работа“, објавија кралот Вилем-Александер и неговата сопруга Максима на нивниот профил на Фејсбук.

Холандски новинар кој истражувал криминал застрелан во глава, полицијата трага по сторителите