Џиновски метеорит стар 4,6 милијарди години ќе биде понуден на продажба на 30 август во Хесинк, една од водечките аукциски куќи во Холандија, објави денес Ен-ел Тајмс“ (NL Times).

Хесинк очекува метеоритот да се продаде до еден милион евра, што би ја обезбедило иднината на јавната опсерваторија Меркур (Sterrenwacht Mercurius) во Дордрехт, која го продава.

Метеоритот, познат како Гибеон, е именуван по истоименото село во Намибија, каде што е откриен.

„Никогаш порано не сме наишле на нешто вакво. Тоа го прави многу посебен“, рече Ерик Блокланд од опсерваторијата Меркур.

Со тежина од 240 килограми, примерокот, кој е составен првенствено од легура на никел-железо, е најголемиот метеорит од чисто железо некогаш понуден на аукција. Метеоритот е зачуван во својата природна форма и има скулптурална површина со регмаглипти – вдлабнатини слични на отпечатоци од палци формирани за време на повторното влегување во атмосферата.