Хокеарската репрезентација на Финска обезбеди пласман во полуфиналето на олимпискиот турнир во Пекинг откако во четвртфиналето со убедливи 5:1 ја совлада Швајварија.

Финците по само 11 минути игра имаа водство од 2:0 благодарение на головите на Алтонен и на Лехтонен. Во втората третина Антила зголеми на 3:0 по што Швајцарците преку Амбуел го постигна почесниот погодок. Разликата во квалитет, Финците ја демонстрираа во последната третина кога постигнаа уште два гола преку Пакаринен и Харикаинен.

Селекцијата на Русија со 3:1 беше подобра од Данска и си обезбеди борба за медалите.
Шипачјов по 13 минути игра ја донесе Русија во водство, а Данците на стартот од втората третина ја искористија предноста од играч повеќе на мразот и израмнија со голот на Нилсен. Русите предноста ја вратија во 35 минута преку Нестеров, а победата и пласманот во полуфиналето го заверија на четири минути пред крајот на натпреварот со голот на Војнов.

Највозбуливо беше во првото четртфинале во кое пеналите го одлучуваа победникот и патникот во полуфиналето. На крајот славеше Словачка со 3:2 над големиот фаворит САД кој втор по ред на ЗОИ останува без борба за медал.
Слафковски во 12 минуа и донесе предност на Словачка, а САД израмни во финишот од првата четвртина преку Абрузес.

Хентегс потоа прави пресврт ѝ на САД му носи водство од 1:2 кое беше активно се до 45 секунди до крајот на натпреварот. Хривик го однесе натпреварот во продолженијата во кое немаше голови по што победникот мораше да биде одлучен во пенал серијата.

Во пенал рулетот, јунак на Словачка беше голманот Патрик Рибар кој ги одбрани сите пет удари на хокеарите на САД, додека Челарик во петтата серија на спротивната страна успеа да го совлада Ман и да ја однесе својата репрезентација во полуфиналето.
Во последното четвртфинале ќе се сретнат Шведка и Канада.