До Државниот испитен центар (ДИЦ) испративме барање за три сесии за полагањето на државната матура годинава, вели Бленди Ходаи, лидерот на средношколскиот Сојуз за „Слободен печат“, додавајќи дека деновиве треба да се објават скратените материјали по кои матурантите ќе ги полагаат матурските испити.

– ДИЦ има обврска да ги објави дефинираните скратени материјали, досега добивме само општи информации, но ние ќе побараме подетални информации, со тоа што од ДИЦ мораат конкретно да објават кој е скратениот материјал – додава Ходаи.

Во врска со дополнителните сесии за полагање, Ходаи вели дека тие побарале два термини за полагање во јуни и еден во август, а тоа се однесува за сите оние кои поради тоа што се во изолација како резултат на ковид-19 нема да се во можност да присуствуваат на редовниот термин.

-Од ДИЦ имаме зелено светло за полагање на државна матура во три сесии, а сега останува да почекаме одлука и од Министерството за образование и наука – потенцира Ходаи.