На скалата од еден до пет граѓаните кои биле странки во судска постапка, обвинети, оние административни услуги во Судовите, адвокати, јавни обвинители и новинари дале оценка тројка за судските услуги.

Ова го покажува анкетата која ја спроведе Коалицијата Сите за правично судење на барање на Здружението на судии.

Девет проценти од 1100 анкетирани граѓани кажале дека им било побарано мито, на една третина директно од судиите, а на останатите од други судски службеници.

Граѓаните се најнезадоволни од брзина на судските постапки, која е последица на зголемениот број на судски предмети, а намалениот број на судии за што предупредуваше Коалицијата.

-Граѓаните се задоволни од квалитето на услугите кои ги добиваат од судовите, начинот и односот на службите во судовите и односот на судиите. Има најголемо незадоволство околу брзоината на постапување, имаме се помалку судии, се поголем прилив на предмети и тоа е очекувано. Имаме релативно лоши податоци кои се однесуваат во борбата против кориупцијата и перцепцијата на граѓаните за корупција во судството па сега треба да се види да се направат дополнителни истражувања – изјави директорот на Коалицијата „Сите за правично судење“.

Претседателот на Здружението на судии, Иван Џолев го критикуваше презентирањето во јавноста на анкетата на ИРИ која покажува доверба во судството од два проценти за судството во смисла дека не се кажуваат процентите на доверба на политичките партии кои имаат исто два проценти, собранието три проценти.

-Ние сме задоволни бидејќи станува збор за резултати кои се во рамките на просекот на земјите членки од ЕУ. Добро е што денеска се направи и една анлиза а пропо онаа анкета на ИРИ и се испоистави дека довербата не е два проценти туку е и многу повисоко дури и повеќе од 20 проценти – изјави Џолев.

Тој беше задоволен од бројките на новата анкета и порача дека заедно со извршната и законодавната треба да работат на подобрување на состојбите во судството.

Од друга страна министерот за правда, Игор Филков кој беше во Кривичниот суд да ја слушне анкетата, кажа дека бројките од анкетата биле поразителни.

-Конечно ме радува што и фелата реши да се занимава со бројки иако тие бројки се во рамките на очекуваното и се лоши.  Останува да ги анализираме и да видиме што понатаму. Ова е поразително – рече Филков.

Во однос на разрешувањето на членовите на Судскиот совет, министерот кажа дека со сегашните законски решенија не се предвидува разрешување на членовите избрани во Собрание, разрешувањето не го исклучи како опција, но што ќе бидат следните чекори рече дека ќе информира наскоро на брифинг.

Граѓаните во анкетата ги оценувале Кривичниот, Граѓанскиот, Апелациониот суд и Врховниот суд.

Најниска оценка – 2 добија брзината на постапките, а највисока оценка – 4 доби судската полиција.