Денеска во Тетово се играше натпреварот од Купот на Македонија помеѓу Шкендија и Струга кој заврши со победа на гостинскиот тим од 1-2.

Еден од стрелците на головите во натпреварот беше и Марјан Радески кој во минатото го носеше и дресот на Шкендија, а по натпреварот наводно се соочил со инцидент.

Имено, како што пренесува албанскиот медиум „Инфоспорт“, Радески бил нападнат од непознати лица кои како што велат не се поврзани со навивачите на Шкендија.

Инцидентот засега не е потврден од МВР, „Слободен печат“ се обиде да стапи во контакт со фудбалерот, но се до објавувањето на текстот не доби одговори.