Херојот на Русија од ЕП 2008 и миленикот на „петлите“: Се пензионираше славниот Роман Павличенко
Eден од милениците на навивачите на Тотенхем, 40-годишниот Роман Павличенко објави дека заминува во фудбалска пензија.
Препорачано
Рускиот напаѓач најмногу ќе остане запаметен по неверојатната 2008 година кога тогаш во тандем со Андреј Аршавин ја предводеа Русија до бронзата на Европското првенство. Во полуфиналето беа запрени од Шпанија која подоцна стигна до трофејот.
После успешниот настап на Европското првенство за Павличенко следуваше трансфер во Тотенхем. Во редовите на „петлите“ пристигна како замена за Димитар Бербатов кој истото лето се пресели во Манчестер Јунајтед. Спартак од неговиот трансфер заработи 18 милиони евра.
Во Тотенхем помина три ипол години и одигра 113 натпревари, постигна 42 гола. За репрезентацијата на Русија на 51 натпревар беше стрелец на 21 гол. После Тотенхем се врати во Русија каде што играше уште за Локомотива, Краснодар, Урал, а се пензионира како играч на Знамја Ногинска од третата руска лига.
Роман Павлюченко завершил карьеру ?
Нападающий провёл за национальную сборную 51 игру, забил 21 мяч и завоевал бронзовые медали ЕВРО-2008.
Спасибо за всё, СуперПав ? pic.twitter.com/4xPZrbDjxz
— Сборная России (@TeamRussia) October 27, 2022
