МЗТ Скопје за викендот оствари голема победа и во Скопје го победи фаворизираниот ФМП, најдобар во редовите на аеродромци беше Мајк Кефи. Неговиот настап го забележи и АБА лигата.

Кошаркарот на МЗТ е избран за МВП на 20-тото коло во елитното регионално натпреварување. Натпреварот против ФМП, Кефи го заврши со 26 поени, шест асистенции, три скока и три украдени топки за 32 минути поминати на теренот.

Таквиот учинок на Кефи му донесе 34 индексни поени, повеќе од него имаа Лука Божиќ од Задар и Доминик Мавра од Сплит (35), сепак поради поразите на нивните екипи, признанието заврши во рацете на кошаркарот на македонскиот тим.

Победата на МЗТ беше од големо значење во битката за опстанок во АБА лигата.