Ливерпул со 2:0 го совлада Виљареал во првиот полуфинален натпревар во Лигата на шампионите, а капитенот на „црвените“ Џордан Хендерсон е задоволен од резултатот.

Англискиот тим до победата дојде со двата гола на стартот од второто полувреме, првиот беше автогол на Еступињан, а вториот го постигна Садио Мане.

– Знаевме дека ќе биде тешко бидејќи Виљареал е добро организиран тим. Важно беше да продолжиме по првиот дел дека ќе успееме да го скршиме отпорот и тоа ни успеа со двата гола. Имавме среќа при првиот гол иако добро ја изградивме акцијата. Добро ги притиснавме и мислам дека нивните дефанзивци и голманот почнаа да ја губат силата. На крајот бевме наградени за таква игра, но мора да се признае дека е потребна и среќа кога противникот се брани со толку играчи – рече Хендерсон по натпреварот притоа додавајќи дека не смета оти неговиот тим е веќе во финалето во Париз.

Реванш натпреварот ќе се игра в вторник во Шпанија.