Во објава на Фејсбук, Харадинај, по повод 76-годишнината од основањето на НАТО, порача дека Косово останува вечно благодарно за „одлучувачката улога во ослободувањето и воспоставувањето на мирот“.

„НАТО, најмоќниот политичко-воен сојуз во светот, денеска ја слави својата 76-годишнина. Косово останува вечно благодарно за својата одлучувачка улога во ослободувањето и воспоставувањето на мирот. Со најмладата армија формирана според стандардите на НАТО, Косово е подготвено да стане достојна членка на Алијансата, рамо до рамо со САД и нејзините сојузници“, напиша Хардинај.

Тој додаде дека директното членство во НАТО е неопходно за зачувување на мирот и безбедноста.

„Честитки, со нашата најдлабока благодарност, упатуваме до сите членки на Алијансата, каде и да се, во служба на мирот ширум светот“, рече Харадинај.