Спектаклот што претстојниот викенд (недела 04 часот) треба да се одржи во Лас Вегас, УФЦ 279 во кој главна борба ќе биде таа меѓу Хамзат Чимаев и Нејт Дијаз, имаше предигра на официјалната прес-конференција на која настана хаос кој го предизвикаа Чимаев и Кевин Холанд.

За тоа колку беше сериозна работата, најдобро покажува тоа што првиот човек на УФЦ, Дејна Вајт ја прекина официјалната прес-конференција поради инцидентот меѓу Чимаев и Холанд.

– Ова нема да се случи – и се обрати Вајт на разочараната публика и откри дека зад нив се случува вистинско лудило и дека нивната безбедност повеќе не може да ја гарантира.

– Им се извинувам на сите, ова ми е исто така многу чудно бидејќи никогаш не се случило во историјата на оваа организација.

Двајцата ММА борци не се поднесуваат и зад бината имале блиска средба по што Чимаев се обидел со нога да го удри Холанд, но бил спречен од својот тим и од обезбедувањето. Потоа, налетал Нејт Дијаз со неговиот тим и почнал нов фрлајќи шишиња кон Чимаев и Холанд. Во инцидентот, повреда заработил поранешниот ММА борец Тики Госн кој сега е агент бидејќи се обидел да ги смири страстите.

– Немаше само еден конфликт, туку неколку. Тики доби највеќе ќотек, дури беше погоден од неколку шишиња. Заблагодарете му се на него зошто не изби поголем инцидент. Немаше доволно обезбедување, а имаше премногу луѓе зад сцената. Ќе ја зголемиме безбедноста на следните настани, но тоа е наша работа. Такви работи се случуваат – додаде Вајт.

#UFC279 Brawl. There you go guys pic.twitter.com/ObNSYaukwp

— TheCorpseBride (@Nafisalaawa) September 9, 2022