Фудбалскиот клуб Барселона веќе гледа кон иднината откако ја обезбеди титулата во Ла Лига по победата од 2:0 над Еспањол.

Ова беше посебна сезона за каталонскиот гигант, со оглед на тоа што минатата сезона не освои ниту еден трофеј, а оваа сезона освоија три под водство на новиот тренер Ханси Флик.

Откако го презеде кормилото минатата година, германскиот стратег внесе нова енергија во тимот на Барса и го врати на врвот во Шпанија.

Претседателот на клубот, Жоан Лапорта потврди дека Флик ќе го продолжи договорот со Барселона до 2027 година.

– Многу сме задоволни од работата на Ханси. Успеа да го врати натпреварувачкиот дух на тимот. Наскоро ќе го официјализираме продолжувањето на договорот – рече Лапорта.