Возачот на Мерцедес, Луис Хамилтон триумфираше на Големата награда на Штаерска, втората трка сезонава во Формула 1 шампионатот.

Британецот на патеката „Ред Бул ринг“ ја забележа 85 победа во кариерата, што значи дека сега го делат уште шест триумфи од рекордот на Михаел Шумахер.

Hamilton takes his 85th career win! He's now just six wins behind Schumacher's all-time record of 91.#AustrianGP ?? #F1 pic.twitter.com/bsrwlQoWiD

— Formula 1 (@F1) July 12, 2020

Хамилтон пред една недела на истото место го освои четвртото место, а овојпат водеше од стартот до целта, со одлични кругови и неговата победа во ниту еден момент не беше доведена во прашање.

Второто место го освои Валтери Ботас (Мерцедес) кој пак најдобар на првата трка, а на третата позиција се најде возачот на Ред Бул, Макс Ферстапен.

Дуото на Ферари претрпе катастрофа на оваа трка, откако уште во првиот круг се судрија Шарл Леклер и Себастијан Фетел, кои недолго потоа се откажаа.

Леклер му се извини на Фетел за денешниот инцидент во Австрија.

– Разочаран сум од себеси. Не можам да опишам со зборови колку е срамно. Направив недопустива грешка. Ја уништив седумдневната напорна работа на целиот тим. Бев нестрплив во желбата да напредувам од самиот почеток. Ќе ја научам лекцијата од оваа грешка – стои во извинувањето на Леклер.

Следната трка е предвидена да се одржи по седум дена во Унгарија.

Kimi's start

Kimi had best view for Ferrari's crash pic.twitter.com/W6s5iL2Bvy

— Coke (@CokeFIN) July 12, 2020