Како и Европското првенство, така и Копа Америка стигна до полуфиналето, а во изминатата ноќ пласман помеѓу најдобрите четири обезбедија Колумбија и Уругвај.

Одличен турнир во дресот на репрезентацијата на Колумбија игра Хамес Родригез. Колумбиецот кој има 32 години за кого најголем дел од јавноста сметаше дека времето му е поминато блеска на Копа Америка.

Во последниот натпревар против Панама кој Колумбија го доби со 5:0. Родригеза постигна еден гол и двапати асистираше и тоа во првото полувреме.

Со ваквиот настап тој стана првиот фудбалер кој учествувал во три гола за едно полувреме на натпревар од Копа Америка. Кога ќе се погледне од почетокот на турнирот Хамес има еден гол и пет асистенции, па така е еден од најважните во колумбиската селекција.

Во полуфиналето Колумбија ќе игра против Уругвај, додека втората полуфинална средба ја сочинуваат Аргентина и Канада.