Хамас го обвинува Израел дека ги блокира преговорите за прекин на огнот
Лидерот на палестинското милитантно движење Хамас го обвини Израел за блокирање на преговорите за привремен прекин на огнот во Газа.
Препорачано
Исмаил Ханија тврди дека Хамас „ја држи вратата отворена“ за крај на војната преку преговори, а Израел ги отфрла сите предлози и е концентриран на воената офанзива.
– Не сакаме договор со кој нема да заврши војната во Газа. Непријателот одбива да даде гаранции и јасно да се обврзе за прашањето за прекин на огнот и за запирање на агресијата врз нашиот народ – изјави Ханија спроти почетокот на муслиманскиот свет месец Рамазан.
Лидерот на Хамас изјави дека неговата група е решена да го брани својот народ, а во исто време да бара решение преку преговори.
– Ако добиеме јасна позиција од посредниците, спремни сме да го постигнеме договорот и да покажеме флексибилност за прашањето за размена на затвореници – изјави Ханија.
Тој додаде дека Хамас е спреемен и за формирање влада на единство со спротивставената партија Фатах, која е на власт во Западниот Брег. Тој предлага да се формира Палестински национален совет со спефични задачи додека не се одржат парламентарни и претседателски избори.
