Лидерот на Хамас Исмаил Ханија изјави дека би сакал да ги види Египет, Катар, ОН, Русија, Турција и во иднина САД меѓу безбедносните гаранти на Појасот Газа, но дека Израел е против тоа.

– Нашите барања по ова прашање остануваат на сила. Сакаме Египет, Катар, Турција, Русија, ОН да бидат гаранти. Секако, во иднина ќе може да се приклучат и САД. Меѓутоа, Израел постојано се противи на ова. Секогаш на прво место ја ставаме потрагата по држави гаранти – изјави Ханије за турскиот телевизиски канал „Канал А“.

Зборувајќи за моменталната ситуација во Газа, Ханије истакна дека „отпорот е сè уште силен и цврст“ и дека народот се обидува да се одбрани.

– Во секоја област на Газа луѓето пружаат отпор. Израелската армија напушти многу области и тоа ни дава сила – рече лидерот на Хамас и додаде дека „помоштата на Либан е многу вредна“ за Газа и дека без неа „Палестинците би биле оставени сами да се борат.

Ханија потврди дека тоа не е тајна и дека Иран „помага многу години“, пренесе ТАСС.

Коментирајќи ги причините за неуспехот на преговорите за размена на заложници и прекинот на огнот, лидерот на Хамас рече дека „Израел сака да ги ослободи сите заложници и потоа да продолжи со воените операции“.

Ханије нагласи дека во Рафа нема да има предавање и дека „отпорот ќе биде уште посилен“.

– Израел е единствената сила што го спречува воспоставувањето на примирје, а САД, за жал, безусловно прифаќаат се што вели Израел – заклучи лидерот на Хамас.