Доколку Ерлинг Халанд не се одлучеше за трансфер во Манчестер сити, сега најверојатно ќе го гледавме во дресот на Баерн.

Норвежанецот од Борусија Дортмунд на „Етихад“ се пресели бидејќи според него англискиот клуб има најдобар проект за иднината.

Ова во документарниот филм „Халанд, голема одлука“ го изјави неговиот татко Алф Инге кој исто така во кариерата настапуваше за „граѓаните“.

– Имаме листа на фаворити и на неа Сити е на првото место како најдобар клуб за Ерлинг. Баерн е втор, а број три е Реал Мадрид. Следат ПСЖ, Ливерпул, Челси и на крајот Барселона – вели Халанд сениор.

Тој откри и дека неговиот син има желба да се испроба во сите најсилни лиги.

– Во секој од нив би можел да остане три, максимум четири години. На пример, тој беше во Германија две и пол години. Сега нека направи уште толку во Англија, па потоа уште во Шпанија, Италија – рече таткото на Халанд.