Иако многумина очекуваа по продажбата на Минамино и Халанд, екипата на Салцбург да почне да бележи послаби резултати, се случува спротивното. Екипата по казната на ЛАСК Линц има голема шанса да ја одбрани титулата, а веќе има и наследник на Ерлинг Халанд.

Во последниот натпревар Салбург со уберливи 6:0 го совлада Хартберг, а три гола беа дело на Патсон Дака, новото чудо од фабриката на австрискиот тим.

Во досегашниот дел од сезоната, Дака постигна 21 гол, а има и четири асистенции, и го надмина Халанд кој во првиот дел од сезоната постигна 16 гола. Дака е втор стрелец во австриската Бундеслига, пред него е само Вајсман од Волфсбергер со 23 постигнати гола.

Дака е репрезентативец на Замбија, а во Салцург пристигна од екипата на Лиферинг и договорот го „врзува“ до 2024 година, но доколку продолжи со одличните игри, гигантите наскоро ќе тропнат на вратата на австрискиот тим.