Кон средината на 90-тите, додека рефлекторите неуморно го следеа секој нивни чекор, Гвинет Палтроу и Бред Пит изгледаа како олицетворение на совршен холивудски пар – две млади, неверојатно убави, талентирани и обожавани познати личности. Но, како што открива новата биографија што ја потресува филмската индустрија, зад нивниот впечатлив имиџ се криела приказна многу покомплицирана и потажна.

Во 1994 година, Гвинет Палтроу имала две примамливи улоги пред себе: сопруга на Бред Пит во долгоочекуваниот трилер „Se7en“ или партнерка на Кијану Ривс во крими-комедијата „Feeling Minnesota“. Нејзините пријатели на шега ја советувале да избере според тоа кој маж сака да го освои, а одлуката паднала на Пит. Блискоста од снимањето наскоро се преселила и во нивниот приватен живот и сето тоа под будното око на светските медиуми.

Нивната врска беше сè што печатот сакаше: страсна, таинствена, гламурозна.

Гвинет пораснала во луксуз, посетувајќи елитни училишта, а дома се дружела со филмски ѕвезди, вклучувајќи го и нејзиниот кум Стивен Спилберг. Не е ни чудо што славата ѝ дошла природно, а наскоро и Оскар за „Вљубениот Шекспир“. Сепак, колку и да се трудела да биде „пристапна“, сè повеќе и повеќе ѝ било јасно дека светот на обичните луѓе ѝ е непознат.

Бред Пит, за разлика од неа, потекнува од многу обично семејство од Мисури. Воспитан строго и конзервативно, тој сам се пробивал низ холивудските пречки. На снимањето на филмот „Se7en“, како што самата Гвинет признала, веднаш забележала дека Бред не е само уште еден површен убав маж, туку „навистина добар човек“.

Во првите месеци од нивната романса, се чинеше дека се непобедлив тим, но првите вистински предизвици допрва следуваа. Скандалот со папараците, кои ги фотографираа голи на приватен одмор во Сент Бартс, беше само почеток на проблемите во нивната љубовна приказна. Пријателите наскоро забележаа знаци на раздор: конзервативното воспитување на Пит и софистицираноста на Гвинет не се совпаѓаа во секојдневниот живот.

Иако многумина веруваа дека раскинувањето е резултат на разлики во карактерите, вистинската приказна беше многу посложена. Во моменти на слабост, Гвинет барала утеха кај Кевин Окоин, жалејќи се на емоционалната студеност и на вербалните испади на Бред. Иако Пит клекна на колено пред Палтроу во Аргентина во 1996 година и стави дијамантски прстен на нејзината рака, свршувачката траеше едвај половина година.

На таблоидите им беше поубедлива приказната на Пит: Гвинет „го држи под контрола“, тој „копнее по слобода“, но зад затворени врати таа ја сумираше врската како погрешен избор на младост и неискуство.

„Имав 22 години кога се запознавме. Не знаев што сакам во животот сè додека не наполнив четириесет години“, рече таа подоцна.

Она што ги изненади сите беше тоа што на почетокот, по раскинувањето, но и кога дозна дека Пит се жени со Џенифер Анистон, Гвинет беше скршена. Веројатно затоа години подоцна, кога му раскажувала на познаник за својата поранешна љубов, освен фактот дека тој „има ужасен вкус за жени“, Гвинет за Пит рекла дека е „поглупав од вреќа г…а“, пренесе Дејли мејл.