Хрватскиот репрезентативен дефанзивец Јошко Гвардиол денеска е на лекарски прегледи во Манчестер, по што денеска или во наредните денови треба и официјално ќе потпише договор со Манчестер сити. Ова за првпат го потврди менаџерот на актуелниот европски шампион, Пеп Гвардиола.

– Јошко е на лекарски прегледи. Се надевам дека ќе ја завршиме работата во следните неколку дена – изјави Гвардиола на прес-конференцијата во пресрет на неделниот натпревар од Комјунити Шилд со Арсенал.

Тој се осврна и на можните нови пристигнувања:

– Не знам дали завршивме со нови играчи, мислам дека ќе донесеме уште неколку играчи.

Сити ќе му плати на Лајпциг 90 милиони евра фиксен надомест и ќе одигра пријателски натпревар со германскиот тим, од кој целиот приход ќе оди за бундеслигашот. Гвардиол би требало да потпише петгодишен договор, со можност за продолжување на уште 12 месеци.