Екипата на Манчестер сити минува низ најголемата криза откако во клубот е шпанскиот стратег Пеп Гвардиола кој признава дека тешко се носи со ваквата ситуација.

Резултатската криза на Манчестер сити се одразува и на приватниот живот на Гвардиола кој и психички во овој момент не е најдобро.

„Не спијам добро, не јадам како што треба и затоа имам проблеми со варењето на храната. Минувам низ тежок перод, психолошки сум во лоша систуација, но исто така знам дека сум истиот тренер кој бев пред пет месеци, оној кој ја освои Премиер лигата. Знам дека ќе помине“, изјави Гвардиола.

На последните десет натпревари Манчестер сити има само една победа.

„Таков е животот, работам професија во која мора да имате и тешки моменти, но сигурен сум дека Манчестер сити ќе се стабилизира. Можеби тоа нема да биде оваа сезона, но клубот ќе почне повторно да победува. Ако сепак успееме да се соземеме и оваа сезона, тогаш сигурно ќе биде лошо за противниците“, истакна шпанскиот стратег.