На Манчестер сити не му оди во актуелната сезона и „граѓаните“ се во најголемата криза откако Пеп Гвардиола е во клубот, а една од главните причини за ваквите резултати на англискиот гигант секако е повредата на Шпанецот Родри.

Пеп Гвардиола пред дербито за викендот во кое Манчестер сити ќе игра против градскиот ривал Манчестер јунајтед, Родри го спореди со славниот Мајкл Џордан.

„Сите гледаме каде е проблемот. И јас и Родри знаевме дека вака ќе биде. Сезонава ние играме без најдобриот фудбалер во Премиер лигата и без освојувачот на „Златната топка“. Можете ли да ми кажете колку титули освои Чикаго Булс откако Мајкл Џордан се пензионираше“, изјави Пеп.

Иако, без дилеми Родри е одличен фудбалер и важен дел од составот на Манчестер сити, сепак според најголем дел од јавноста премногу е да се споредува Родри со еден од најголемите спортисти во историјата.