Англискиот шампион Манчестер Сити со победа против Барнли ја отвори новата сезона во Премиер лигата, но овој триумф на „граѓаните“ остана во сенка на повредата која ја заработи Кевин Де Брујн.

Еден од најважните фудбалери во системот на Пеп Гвардиола мораше предвреме да го заврши натпреварот, а шпанскиот стратег потврди дека станува збор за сериозна повреда.

Според изјавата на Гвардиола, Де Брујн ќе паузира најмалку три месеци.

„Отсуството на Де Брујн е сериозен проблем, ќе мораме да одлучиме дали ќе се оперира или не. Сигурно ќе биде надвор од теренот неколку месеци. За начинот на лекување ќе одлучи лекарскиот тим, но јас знам дека нема да може да игра најмалку три или четири месеци“, изјави Гвардиола.