Богатите и сиромашните земји мора да потпишат „историски пакт“ за климата, или „ќе бидеме осудени на пропаст“, ​​предупреди генералниот секретар на ОН, Антонио Гутереш, бидејќи продлабочувањето на јазот меѓу развиениот и светот во развој ги стави разговорите за климата на самиот раб, пишува „Гардијан“.

Острото предупредување доаѓа откако светските лидери почнаа да се собираат за климатскиот самит на ОН, КОП27, кој ќе се отвори во недела во Шарм ел Шеик, Египет, но за кој дури и домаќините признаваат дека ќе биде најтешкиот во последнава деценија.

КОП27 се одвива во услови на најлошите геополитички тензии со години, поради војната во Украина, спиралната глобална криза на трошоците за живот и продлабочениот економски мрак.

„Нема шанси да избегнеме катастрофална ситуација, ако двете страни[развиениот свет и светот во развој] не можат да воспостават историски пакт“, рече тој во интервју за Гардијан во пресрет на самитот. „Бидејќи на сегашното ниво, ќе бидеме осудени на пропаст“.