Поради дефект на водоводната мрежа на улица Филип Втори, пред хотелот „Холидеј ин“, денеска од 9 часот без вода се сите објекти во околината, поточно дел од Градската општа болница „Св.Наум Охридски“, Градски трговски центар и дел од објектите на потегот од  републичкото Собрание до „Холидеј Ин“, како и на улиците Кеј 13 ноември, Мирче Мацан и Мирче Ацев.

Последните информации од ЈП „Водовод и канализација“ велат дека нивните екипи работат на отстранување на дефектот, но засега немаат информација колку долго ќе трае зафатот и кога овие потрошувачи повторно ќе добијат вода.