Нов ракометар на ракометниот клуб Охрид е Теимураз Орјоникидзе (27) кој настапува на позицијата лев бек.

Грузискиот репрезентативец е новот име во составот на „гладијаторите“ кој доаѓа од екипата на Кокс, Финска.

Претходно настапуваше во Романија и Унгарија, како и во македонското првенство во Еурофарм Пелистер и Прилеп.

Со своите одлични настапи ѝ помогна на Грузија да се пласира Европското првенство во 2024 година, што ќе биде прв историски настап на оваа земја на континенталните собири.

– Пресреќен сум што се враќам во Македонија, ова е земја на ракометот и задоволство ми е што ќе играм тука. Охрид има одличен тим и проект и чест ќе ми е да сум дел од него! Се надевам следната сезона ќе ни биде успешна и заедно со нашите фанови ќе славиме многу победи – изјави Теимураз.