Изложбата „Просторни реадаптации 4“ како место за културна практика ја користи Скопската плажа, каде што група автори со своите мултидисциплинарни и инвентивни истражувања го трансформират отворениот простор на некогашната скопска плажа на кејот на Вардар, преполнувајќи го со разновидни концепти кои нудат свежи перспективи и давајќи му нова смисла.

На изложбата учествуваат авторите Ивана Ќ. Самандова, Доротеј Нешовски, Маја Кировска, Драганчо Таневски, Дијана Томиќ Радевска, Озбек Ајваз, Ана Трајковска, Ѓорѓе Јовановиќ, Јана Јакимовска и Перо Кованцалиев – автори кои ќе ја приближат уметноста до секојдневието на граѓаните и ќе овозможат поблиско запознавање на македонските уметници и различните изведби на денешната современа уметност.

Отворањето на изложбата ќе се одржи на 7 јуни, во 19:30 часот. Дизајнот за изложбата го направи Ивана Ќ. Самандова. Проектот е поддржан од Министерство за културa и туризам.