Поранешниот премиер на Македонија, Никола Груевски, кој моментно живее во Будимпешта, објави статус на својот профил на социјалната мрежа Фејсбук, во однос на ситуацијата со многубојните скандали, кои ја тресат власта на СДСМ и Зоран Заев.

„Да се објаснувам сега со давеникот Заев кој со секоја изјава самиот се “дозакопува во жива кал”, дека додека јас бев премиер НИТУ ЕДЕН учебник по историја во Република Македонија не се смени и последното менување и правење учебници по историја е од времето на СДСМ? Таму де, каде пишува се за Александар, Филип, Аминта Трети, за Гоце, Даме, Јане, …и остантите “украдени” од “украдената историја”. Ени ги, авторите и академиците кои низ своите јавни настапи многу помогнаа Заев да стане премиер. Сами му одговараат на Заев, бараат да престане да и прави штета на државата, му објснуваат дека Македонија има свој дел од античката историја, дека го руши тоа што со децении науката го градела, дека е пироман и дека ја води Македонија кон бездна…, кажете ми, што јас да додадам повеќе од нив?“ пишува меѓу другото Груевски.