Официјално, Анте Иванковиќ е новото засилување за ГРК Охрид од следната натпреварувачка сезона 2025/2026.

Хрватскиот репрезентативец ќе го носи дресот на „гладијаторите“ минимум две години.

Иванковиќ (24 години, 196 цм) е дел од поширокиот состав на хрватската репрезентација под кормилото на Перковац и Сигурдсон, а ги има поминато и сите младински категории на репрезентацијата на Хрватска.

Доаѓа од редовите на Штутгарт по две поминати сезони, а пред тоа бележеше одлични настапи во тимот на Целје во Лигата на шампионите постигнувајќи 80 голови во две сезони. Пред Целје својата кариера ја има започнато во Дубрава (Хрватска).

Претходно ГРК Охрид за следната сезона се засили и со словенечкиот среден бек Тилен Стрмлјан, српскиот десен бек Предраг Вејин и новиот тренер кој доаѓа од Србија Борис Ројевиќ.