Шведската активистка Грета Тунберг е во ужасна состојба во израелски затвор, според тврдењата изнесени во преписката меѓу шведското Министерство за надворешни работи и соработниците на активистката, објави Гардијан.

– Амбасадата успеала да се сретне со Грета. Таа информирала дека е дехидрирана. Не добивала доволно вода или храна“, се вели во е-пошта испратена од министерството до луѓе блиски до Тунберг.

Таа, исто така, пријавила дека добила осип, за кој се сомнева дека е предизвикан од креветни бубачки.

-Грета зборуваше за грубото ракување и рече дека долго време седела на тврди површини – беше дополнително наведено.

Активистите приведени оваа недела од флота се наоѓаат во затворот Кециот во Негев.

Израелската затворска служба, Израелските одбранбени сили и израелското Министерство за надворешни работи не одговорија на барањето на Гардијан за коментар.