Музичката икона Грејс Џонс ќе настапи во рамки на годинашното издание на музичкиот фестивал „Скопје колинг“. Македонската публика ќе има можност да го проследи нејзиниот концерт на 6 јули, на стадионот на АРМ во Градскиот парк.

„Веројатно, не постои светски артист на оваа планета (освен, се разбира, Дејвид Боуви) кој може толку аргументирано да изнесе толку многу различни и заслужени епитети како Грејс Џонс, една од најреволуционерните и најзначајни музички и уметнички појави на светот на сите времиња“, велат од продукцијата „Авалон“, кои се организатори на фестивалот „Скопје колинг“.

Од „Авалон“ најавуваат спектакуларно 90-минутно шоу на легендарната Џонс и нејзината многубројна придружна група.

„Да ја вратиме Македонија таму каде што ја поставивме уште во 2001 година – на листата земји каде, сепак, се случува нешто убаво и по светски стандарди“, додаваат оттаму.

Инфомациите околу влезниците ќе бидат објавени утре (30 јануари) на официјалните профили на продукција „Авалон“.