Грција ја има најстарата флота на патнички автомобили во Европската унија, со просечна старост од 17 години, кога просекот во ЕУ е 12 години, покажуваат податоците објавени од Европската асоцијација на производители на автомобили (ACEA) до 2021 година, објави електронскиот весник Катимерини.

Естонија има втор најстар возен парк на патнички автомобили (16,8 години), а потоа следи Чешка (15,6).

За жал, според податоците на ACEA, слична е ситуацијата и во категоријата автобуси и камиони. Грција, иако туристичка земја, го има вториот најстар автобуски возен парк (19 години), кога просечната старост на автобусите во ЕУ е 12,7 години. Земјата со најстар возен парк е во Романија (20,2).