Македонската ракометна репрезентација не успеа да приреди изненадување и со убедлив пораз од Шведска го стартуваше Европското првенство (28:18).

На стартот од натпреварот македонските ракометарки беа конкурентни, но потоа дојде период од 20 минути во кој не постигнавме ниту еден гол и победникот тука веќе беше одлучен.

По средбата селекторот Кристијан Грчевски истакна дека како причина за поразот ги гледа големиот број технички грешки и промашувањата во нападот.

„Добро започнавме, но потоа следуваа многу технички грешки и промашувавме од чисти ситуации. Крајниот резултат е последица на сето тоа“, изјави Грчески.

Во второто коло на првенството, Македонија ќе игра против Турција, а токму овој натпревар од репрезентацијата пред првенството го означија како најважен за нас.

Македонија убедливо поразена од Шведска на стартот на Европското првенство