Грчевски го најави настапот на Македонија на Европското првенство: Нашата шанса ќе биде натпреварот со Турција
Женската ракометна репрезентација на Македонија утре го стартува настапот на Европското првенство на кое ќе играме против селекцијата на Шведска.
Препорачано
Швеедска во натпреварот влегува како фаворит и Македонија ќе се обиде да приреди изненадување. Селекторот Кристијан Грчевски во денешниот разговор со медиумите најави и дека Македонија ќе калкулира затоа што нашата најголема шанса за победа ја гледа во дуелот со Турција.
„Ние ја остваривме целта со успешните квалификации, како една од најмладите селекции. Со настапот на ЕП сите наши ракометарки во составот ќе добијат драгоцено искуство за ввво иднина. Чувствуваме трема пред утрешниот натпревар, но таа е позитивна. Знаеме дека ќе играме против репрезентација која очекува да се бори за медал. Ќе излеземе на терен и веруваме ќе се претставиме на најдобар можен начин. Нашата шанса ја гледам во натпреварот против Турција, па утре и малку ќе калкулираме“, изјави Грчевски.
Грчевски очекува настапот на првенството да биде од голема важност за помладите ракометарки во составот.
„Имаме основна група од поискусни ракометарки, додека остатокот се состои од млади играчи за кои ова првенство ќе биде од голема вредност. Верувам дека со континуитет на вакви големи првенства ќе стекнеме искуство кое ќе го користиме во иднина“, истакна селекторот.
Натпреварот против Шведска, Македонија го игра во терминот од 20:30 часот, а покрај споменатиот дуел со Турција, ракометарките во групата ќе се соочат и со селекцијата на Унгарија.
