Глас за Македонија на овие избори настапува под слоганот „Силата е кај народот“. Во изминативе 30 години ветувањата не се исполнуваат и народот е оставен без право да одлучува и да контролира. Ние сме првата и едниствена анти-корупциска партија кај нас. Уставното име беше продадено поради уценети и корумпирани политичари. Сметаме дека со тоа се направи огромна штета која не е непоправлива. За осиромашувањето кое е хронично и длабоко вкороенето ние сме спремни да направиме длабоки, а не козметички промени, изјави за „Утрински брифинг“ на „Слободна ТВ“ Солза Грчева, претседателка на Глас за Македонија.

-Изворите на корупција се во законите. Ние имаме озаконета корупција. Така се градени законите да луѓето кои крадат, функциониретите, оние од висок профил се покриени со закони. Пгледнете го законот за градење, за ЈП, за урбанистички планови итн. Тоа е се озаконета корупција. Во таа смисла ќе направиме ревизија на закони, но и ќе воведеме закони кои намерно непостојат, како што е закон за потекло на имот, вели Грчева.

Таа додаде дека и покрај тоа што имаме закон за перење на пари, истите тие не можат да се следат кога не се знае од каде потекнуваат.

-Ќе отвориме еден болен процес како што е криминалната приватизација и денационализација. Жртвите на тие процеси мора на некој начин да бидат обесштетени. Нема застарување на ниту едно криминално кривично дело. Се додека имаме партиски директори се репродуцира и расте моќта на најголемите партии. Апсолутна професионализацја е потребна. Незамисливо е директори на градинки, училишта и слично, да бидат менувани со партиски војници.

-Морам да напоменам дека народот на задолжителен референдум ќе одлучува за секој промена во Уставот, а не онаа гласачка машинерија во Собранието, вели Грчева.

Говорејќи за референдумот за името, Грчева смета дека тој бил неуставен и обид за манипулација на граѓаните.

-Сметам дека тој беше противуставен референдум и затоа голем број на граѓани не излегоа. Затоа мислам дека треба да се воведе референдум каде што народот ќе опдлучува, на пример, за импичмент на Владата.

Дооговорот од Преспа е неуставен, донесен со кршење на меѓународното право, со кршење на Виенската конвенција, со давање на селективна амнестија. Тој е ништовен сам по себе. не треба да се плашиме од изолација, бидејќи сме веќе изолирана држава. Ние не успеавме 30 години да направиме национална стратегија околу црвените линии. Лага е дека нешто добиваме со тој договор. Сметам дека полуписмени политичари, плус корумпирани не можеа да се справат со грчкото вето. Тој процес можеше да го извадиме во своја полза, а не да распродадеме се живо, притоа да немам гаранции за нашиот европски пат, изјави претедателката на Глас за Македонија, Солза Грчева.