В сабота, на 1 март, во пресрет на пролетта ќе се одржи акција за чистење на природата кај Марков манастир. Организатор на акцијата, која ќе започне во 11 часот, е еколошкото движење „За почиста Македонија“. Оттаму ги повикуваат граѓаните да им се придружат и им порачуваат дека за нив е организиран бесплатен превоз и материјали за работа, а нивно е само да дојдат расположени и да си понесат ужинка.

Иде пролет. За цветната сезона да не ја дочекаме во ѓубре, редно е да посветиме малку љубов кон природата. Марков манастир е прекрасно и популарно излетничко место кое за жал е често посетувано од несовесни граѓани кои го користат како лична депонија. Време е да засукаме ракави и да дадеме пример како треба да се чува едно вакво место, велат организаторите.

Сите оние кои сакаат да користат бесплатен превоз до Марков манастир потребно е да пополнат формулар на линкот објавен на Фејсбук страницата на „За почиста Македонија“.