Вкупно 42 граѓани побарале екипите на ЈП „Паркови и зеленило“ да им ги иссечат дрвјата кои се наоѓаат во нивниот сопствен двор или пак во непосредна близина на зградата во која живеат. Од овие 42 барања за сеча на дрвја од страна на приватни лица, 12 се одбиени а 30 се прифатени и реализирани.

За оваа 2021 година до нас се пристигнати вкупно 42 барања за сеча на дрвја од приватни лица, од кои 12 се одбиени a 30 се прифатени и реализирани. Инаку, сите барања за кастрење/сечење, директно се адресираат до Секторот за комунални работи на Град Скопје. Понатаму, службите од градот даваат контакт од нашите претпоставените лица од Секторот Дрвореди – објаснуваат од ЈП „Паркови и зеленило“.

Оттаму велат дека, доколку барателот за сеча  одлучи и побара услуги за да се иссечат едно или повеќе дрвја, јавното претпријатие се води по однапрет дадена постапка која опфаќа увид на состојбата на самата локација, правење на проценка на самото стебло-дрво, по што се изготвува понуда со премер-пресметка и истата се доставува по електронска пошта, каде обврзано е повратен одговор без разлика дали се прифаќа понудата за сеча или не.

Исто така, од таму ги замолуваат граѓаните кои сакат нивни екипи да ги отстранат непосакуваните дрвја од дадена локација за имаат како што велат разбирање бидејќи само две екипи на целата територија на градот Скопје ја вршат оваа активност на терен.

Работата на активностите ја извршуваме со две екипи, кои со сите расположливи капацитети и ресурси се трудат пред се одговорно и професионало да одговорат на сите работни задачи, трудејќи се за целосна реализација на пристигнатите барања од граѓаните. И тука ги замолуваме граѓаните за разбирање, бидејќи неизводливо е веднаш да се постапи по сите пристигнати барања – додаваат од ЈП „Паркови и зеленило“.