Заглавени и лути граѓани со часови со своите автомобили седеле во подземниот паркинг на ГТЦ поради што паркоматите престанале да работат а службата за наплата била отсутна, јавува Макфакс.

На шалтерите каде паркирањето се плаќало рачно, сега на нив се залепени листови на кои пишува дека плаќањето се врши со автоматски машини а истите не биле во функција извесно време, наведува агенцијата.

Дел од граѓаните кои биле со мали деца, коментирале дека брзаат за на аеродром и ќе го испуштат летот. Како што изјавиле сведоци за „Макфакс“, по некое време рампите биле кренати и сега возилата почнале да излегуваат бесплатно. Тоа, сепак, ќе потрае со оглед на тоа што има голем број возила внатре на паркингот, а надвор има семафор.

Инаку од ГТЦ сè уште нема официјално соопштение за причините за дефектот.