Поранешниот градоначалник на Град Скопје, Петре Шилегов пред да замине од функцијата склучил договор со компанијата „Линк медиа плус“ во вредност од 243.000 евра за новогодишно украсување на главниот град, нешто што треба да биде завршено до 20 ноември. Оваа фирма била единствена која доставила понуда на јавниот повик кој беше објавен во септември.

– Украсување предвидува поставување централна новогодишна елка на Плоштадот Македонија и украсување на неколку други локации и улици. Украсувањето треба да е во духот на модерното време и живеење, со високи естетски, уметнички и ликовни ефекти, запазувајќи при тоа унифициран концепт на целиот простор. Новогодишното украсување треба да биде завршено до 20 ноември, стои во договорот објавен на страната на Бирото за јавни набавки.

Минатата година, градот Скопје беше украсен за новогодишните и божиќните празници, но немаше новогодишна прослава поради пандемијата на коронавирусот.