Од Општина Центар информираат дека ова лето, децата од прво до трето одделение, односно децата до 10 години ќе можат да бидат згрижени во детските градинки на подрачјето на локалната самоуправа.

За уписот во градинките се потребни апликација, доказ за вакцинален статус и фотокопија од лична карта како потврда дека детето е жител на Општина Центар.

„Наш приоритет е секое дете да добие квалитетна грижа, а родителите да имаат поддршка во текот на летото. Заради зголемениот интерес од страна на родителите, ја проширивме листата на објекти во кои се згрижуваат деца“, истакна градоначалникот Горан Герасимовски.

Децата се примаат во седумте клонови на градники: ЈУДГОЦ „Раде Јовчевски Корчагин“ – клон Пинокио, ЈУДГОЦ „Кочо Рацин“ – Матичен, Бели Мугри и Наум Наумовски Борче, како и ЈУДГОЦ „13 Ноември“ – Матичен, Беко и Парк.

Поради големиот интерес, капацитетите на градинките се речиси исполнети, а останати се уште малку слободни места.