Вработените за градинарски и други работи во Хајгроув Хаус во Глочестешир, за кој кралот Чарлс Трети се грижи последниве неколку децении, почнале да ги напуштаат своите работни места поради ниските плати и барањата на кралот.

Глочестешир е прибежиште на Чарлс за кое тој внимателно се грижи. Упатените велат дека тој целосно ги трансформирал раскошните градини во текот на изминатите 45 години, но и покрај ова, според пишувањето на „Сандеј тајмс“, тој изгубил 11 од 12 градинари од 2022 година.

„Сандеј тајмс“ пишува дека Чарлс редовно го посетува раскошниот селски имот и дека, откако ќе прошета низ низа меѓусебно поврзани градини, им испраќа упатства до персоналот и на градинарите очекувајќи тие да брзо да реагираат и да ги исполнат неговите барања пред неговата следна посета.

Медиумите известуваат дека кралот побарал од персоналот што е можно поскоро да премести и пресади едно растение подалеку од базенот и коментирал дека е многу разочаран што градинарот не успеал да го одгледува делфиниумот на одреденото место. Тие исто така објавија дека персоналот се жалел на лошите услови за работа, што се однесува и на платата, која е како минималец.

Медиумите исто така пишуваат дека британскиот крал е свесен дека Хајгроув има недоволно персонал, па по руската инвазија на Украина, тој писмено предложил тие позиции да бидат пополнети со воени бегалци.

„“