Супа од компир

Потребни состојки:

2 лажици путер
1 кромид
2 чешниња лук
4-5 гранчиња свежа мајчина душица
6 компири
2 коцки пилешка супа
200 мл млеко
2 супени лажици нишесте
1/2 чаша павлака за готвење
сол и бибер
50 гр рендан чедар
неколку листови сланина
власец или магдонос
1 лажица павлака
1 парче препечен леб

Подготовка:

Кромидот ситно исецкан динстајте го на тивко на маслиново масло и малку путер, посолете, додадете згмечен лук. Компирите исечете ги на ситни коцки и ставете ги да се динстаат во кромидот. Ставете ги коцките за супа и свежа мајчина душица. Додадете го млекото а потоа и врела вода. Во меѓувреме посолете по вкус. Додадете густин и павлака за готвење и оставате да се вари околу 1 час на тивко. На крај со рачен блендер направете крем супа. Декорирајте со испечени парчиња сланина и лажица павлака.

Пилешка супа со нудли

1 пилешки стек
1 морков
неколку шитаке печурки
2-3 ротквици
2 млади кромитчиња

2 чешниња лук
2 пакетчиња нудли
1 коцка супа

Подготовка:

Кромидот исечете го на месечинки и пржете го на масло и маслото од нудлите. Додавајте од зеленчукот и пржете (младото кромитче на коси долгнавести парчиња, морковот на стапчиња, ротквиците на ситни коцки, печурките на мали парчиња, варен стек на ситни парчиња). Зачинете со лук, бибер, зачинот за нудли, коцка за супа и прелијте со зовриена вода. Варете неколку минути, за зеленчукот да не се превари туку да остане крцкав. Пред крај ставете ги нудлите и варете уште неколку минути.

Потаж супа со овес

Потребни состојки:
1/2 тиквичка
1 морков
1 кромид
2 чешниња лук
неколку цветови брокула
1/2 пашканат
1/2 чаша мелени овесни снегулки
2 коцки говедска супа
копар

Подготовка:

Пржете го кромидот на масло исечен на коцки, додадете сецкан лук, пашканат на коцки, морков на коцки, тиквичка на коцки, брокула на многу ситно. Кога зеленчукот ќе се испржи ставете малку врела вода, коцки супа, копар, зачинете со сол и бибер а на крај додадете мелени овесни снегулки. Се вари 20 минути.