Како што објави новинарот Фабрицио Романо, Манчестер сити ќе го ангажира Тијани Рајндерс од редовите на Милан.

Холандскиот 26-годишен фудбалер од средниот ред доаѓа во англискиот гигант за сума од 70 милиони евра.

Сити постигна устен договор со Милан за Рајндерс, кој имаше фантастична сезона со „росонерите“.

Во вторникот, двата клуба ги финализираа сите услови од големиот договор, по што ќе следи формализирање на трансферот и медицински прегледи со цел Холанѓанецот да му биде достапен на Пеп Гвардиола за Светското клупско првенство.

Рајндерс почна да игра за Милан од 2024 година и се промовираше во еден од најдобрите играчи на тимот откако го замени Сандро Тонали, кој замина во Њукасл. За клубот од Сан Сиро запиша 104 настапи во сите натпреварувања, со учинок од 19 голови и девет асистенции.