По есенскиот дел во Втората македонска фудбалска лига составот на Гостивар моментно е на првото место со 37 бодови по 15 одиграни кола.

Како што е веќе објавено, клубот се засили со левото крило Симеон Христов кој дојде од редовите на Вардар.

Гостивар доведе уште пет нови играчи, 20-годишниот напаѓач Рејан Абази (од Локомотива), потоа 20-годишниот голман Астрит Амзаи на позајмица од Шкендија.

Ангажирани се двајца фудбалери на позицијата лев бек, Гордијан Христовски (19) од Скопје, и Фисник Зука (27) од Македонија ЃП. А како ново зимско засилување е претставен и искусниот играч за врска во нападот, Фахрудин Ѓурѓевиќ (30) кој исто така доаѓа од Македонија ЃП.

Последен пат Гостивар беше прволигаш во натпреварувачката сезона 2013/2014.