Корона вирусот удри по здравјето, но удри и по економијата. Огромни се штетите на македонските компании. Заедничката борба со пандемијата мора да оди рака под рака и со борбата за зачувување и помагање на домашното стопанство, изјави Орце Ѓорѓиевски, член на ИК на ВМРО-ДПМНЕ.

Тој повика граѓаните да се однесуваат одговорно и совесно во новонастанатата здравствена криза.

– Не само затоа што се најдобри, туку и за да си помогнеме самите на себеси. Купувајте македонски производи, затоа што сите ја сакаме Македонија, додава Ѓорѓиевски.